sudan: (السياسه والكوره ) فى السودان افشل مما تتصور !!

sudan: (السياسه والكوره ) فى السودان افشل مما تتصور !!: اكتر حاجتين مضيعين وقتنا وجهدنا فيهم  وللاسف (السياسه ,والكوره )  يا اخونا انا بحس بعد مرات انو فى ظلم بحصل على السودان من الخارج  لكن ...

(السياسه والكوره ) فى السودان افشل مما تتصور !!

اكتر حاجتين مضيعين وقتنا وجهدنا فيهم  وللاسف (السياسه ,والكوره ) 

يا اخونا انا بحس بعد مرات انو فى ظلم بحصل على السودان من الخارج  لكن لمن تفكر وللاسف تحاول تفهم 
بتلقى نفسك مافاهم ؟؟
-----------------
السياسه كمثال :
-----------
يطلع الرئيس يقول على الطلاق الليله الحشره الشعبيه دى حننتهى منها وما دايرين معاهم اى نفط ولا بطيخ اى زول من الليله يشوف شغلتو ..
بكره الصباح الجرايد يلقى السيد المشير عمر حسن احمد البشير خطابه المشهود حيث قال سوف نقطع علاقاتنا مع ( الحشره الشعبيه ) 
وتلقى الناس فى الشارع يازول دا كلام صاح عمك دا يازول بتاع خراب وش والله انا احى البشير ,
وواحد تانى يقول ليك الموت بس ما عندنا اى حنك مع الناس ديل 

وبعد الجوطه دى طوالى بعد يومين : (خطاب السيد الرائيس عن العلاقات بين السودان وجنوب السودان ) ياراجل اسى ما ما كان ما فى علاقات وكانو حشرات 

الجريده اليوم التانى :لقد ذكر السيد الرائيس :ان العلاقات بين الخرطوم وجوبا علاقات اخويه وذللك للتماذج العرقى بين الدولتين 
حيث ايد هذا القرار كل من الوزراء والنواب داخل الحكومه وقد ذكر النائب الاول على عثمان محمد طه فى بيان له انه يجب الحفاظ على العلاقات بين الدولتين 

فى الشارع نفس الناس الكانوا بقولوا الحرب : 
يازول الكلام دا انتو ما بتعرفوهوا بس شوفتونا نحن دقيناهم كيف لمن قالو دايرين سلام تانى يازول عمك دا خطر 


ياخى عليكم الله كدى قدو كدا ولاكدا 
---------------------------------
                               الكوره :-
هههههههههههههههه اما الكوره دى حاجه تانيه خالص .طبعآ لمعلوماتكم  للناس المابتسوف  الكوره السودانيه الكوره فى السودان حاجتين ثابتين ما بتغيروا
( الهلال والمريخ ) 
يا اما تكون هلالبى على السكين 
او مريخابى على السكبين 
وبتلاحظ كيف انو امبارح كان فى كوره لمن تجى تركب الموصلات اول حاجه تلاقى الناس كولها مشتريا جرايد والعربات كولها اعلام ( ويلا بعداك تعال شوف الشكله هههههههههههههههههههه) والله دا كلو من المدرب + دا كلو من الحكم + ياخى الحراس ماسوره + لالا كان فى مطر + لالا جمال الوالى ما اداهم قروش عشان كدا مالعبوا كويس ..
واسمح حاجه لمن هيثم مصطفى اتنقل من الهلال للمريخ ههههههههههههههه
دا كان اجمل يوم بالنسبه لى عشان اليوم كلو كنت فى الشارع بسمع فى النبز والمشاكل لمن فى ناس بتتضارب مع بعض 
غايتو شفنا كترت اكشن اليوم داك !!!!!
المهم عادى تمسع( رائيس النادى ضرب الحكم كف )لالا ولا تسمع امبارح اللعب داك قبضوهوا سكران وجلدوهو فى النظام العام 
وتلاقى لاعب مصورين خاتى (سفه ) دوقار 
ولا بشرب فى شيشه 
----------------------------------------------
عشان كدا يا اخونى السودانين الرجاء ترك هذه التفهات والتفرغ لما هو مهم !
-------------------------------------------------------------
بقلم : وائل على موسى 

اميره عثمان (دايرين نحوم عريانين )

كفاية

http://youtu.be/xE4PSfqY0F4
في 4 دقائق، هي مدة التسجيل للفيديو المرفق ، شرحت مهندسة الكمبيوتر أميرة عثمان حامد للرأي العام العالمي معاناة نساء بلادنا مع المادة 152 التي تتسلل عبر غطاء الرأس لتقضي علي حقوقهن في إدارة شؤونهن الخاصة وممارسة خياراتهن وحريتهن . بجهد من حملات نشطاء الضمير والحقوق ، تحول هذا الصراع اليوم الي شأن أكبر من خمار الرأس أو الأنثي التي تخلعه أو ترتديه إذ وضع كل القوانين الانقاذية الباطشة أمام عين العالم الفاحصة . فالمادة 152 المعيبة ، وهي إحدي مواد القيود المكبلة للحريات العامة في منظومة قوانين السلطان المسماة ( قوانين النظام العام ) ، هدفها الأساسي هو إذلال نساء السودان وصفع شعبه بشطب موروثه في التسامح والقبول بالاختلاف ! فهذه المادة الملصوقة بلا تدبر ، ودون أي إعتبار قانوني لضرورات الدقة والتحديد التي يجب أن تتحلي بها القوانين الجنائية ، تبيح لرجل الشرطة منفردا ، غض النظر عن تعليمه وتقديراته الثقافية وفهمه لما هو تشريع ديني ولما هو حق مدني وخلفيته البيئية ، تبيح له التقرير فيما هو فاضح أو حشمة ! فإما أن يقبض (المتهمة ) ويودعها الحراسة ويجلدها ، وإما قرر أن مارآه "غير فاضح " فينصرف لما ينفع الناس من ملاحقة للمجرمين الحقيقيين ومن ينتهكون القوانين . جعلت المهندسة الجسورة أميرة من حيثيات القضية وماينتظرها في جلسة يوم غد الاثنين 4 / 11 / 2013 بمحكمة جبل الاولياء.
الساعة 10 صباحا شأنا قوميا حقوقيا ،بل نموذجا للتعديات الانقاذية الصارخة علي نظم حقوق النساء وحقوق الانسان المعترف بها في سوح القضاء العالمي . تقول أميرة مختتمة فيديو حملتها ( القضية ماحقتي أنا براي القضية حقت كل السودانيين اللي بتذلوا في بلدهم ويتجلدوا أمهاتم وأخواتهم وبناتهم وزميلاتهم لازم نقيف ونقول لا للقهر لا للظلم ...كفاية!)

أيضا تحدث الاستاذ المعز عثمان حضرة ، المحامي والمتحدث الرسمي بإسم هيئة الدفاع عن أميرة عثمان - منتقدا المادة 152 وكيف أن رجل الشرطة يمكنه تفسير هذه المادة والهجوم بها حسب فهمه في بلد متعدد الديانات والأعراق ومدى إنتهاكها للحقوق وقال أن النظام يستغل هذه القوانين لاذلال المرأة والشعب السوداني.

انا ما عارف العالم حصل ليهو شنو ؟

يعنى عديل كدا نحن دايرين نحوم عريانين ونقلبا فرنسا وعينك فى راسك !!

ويخلو الدين ويقولو ليك الماده الفلانيه والعلانيه فى القانون تفو عليكم يا وهم يا كرور 

والحاجه البتغيظ والبتوجعك تلقى راجل بى شنبو واقف بقول حقوق المراه وانتهكات 

حقوق المراه يعنى المراه لمن تلف بدون طرحه وبكره بدون سكريترى وبدون 

............ بعداك حتكون مرتاح  وانت زاتك تلبس زيهم بس ما هدوم حجات تانيه !!!

 " اووووع واحد يجى يقول لى البنت دى عندها حق ولا القضيه دى صح 

وديموقراطيه وكلام بتاع سياسه فارغ اصلا نوعكم دا ياهو الجاب لينا الهواء والوساخه دى