اغبى يوم فى حياتى حتى الان

طبعآ فى ناس حتقول (يعنى انت اول مره تعرف نفسك غبى ) لكن بالجد عندكم حق فى دى 

طبعآ زى ما الناس بتعرف المعاهد بتاعت الانجلزى واخوكم الكاشف قال انا داير اخش معهد انجلزى مع انو انا الانجلزى بتاعى خواجى ما بتكلموا .بس عدم موضوع وعشان انا قاعد عاطل قولتا اكسر الزمن .

المهم مشيت المعهد البرطانى قالو لى دا معهد زيو مافى دا الاول فى السودان وحركات الناس البتشجع من بعيد وما بجربوا .مشيت وقالو لى تنزل معناه فى المستوى الاول قولتا ليهم ياخى ما بحتاج انزل الاول انا اصن الانجلزى بتاعى كويس بس حبت لخبطه وكدا .قالو لى خلاص تمتحن وامتحنته (هههههه امتحان اعوز بالله ) امتحنته انا قاعد ساعه فى الامتحان .اهااا مشيت وجيت راجع بعد ما اديتو الورقه بتاعت الامتحان قال لى ياخى انت جبت 22 من 100 ههههههههههههه انا طبعآ موت من الضحك .قولتا ليهو خلاص ما عوضنا الله انتو العارفين انا ما عارف .

خلاص جينا للتسجل جيت اسجل دفعه ركزو فى كلمه دفعه دى اها طبعآ حارقنى وداير اكورك .دفعه (190 ) جنيه دى رسوم الكورس الاول .

المهم بعد ما اتسجلت وريت اى زول بعرفوا انا اتسجلتا فى المعهد (ما غبى ) جيت يوم انزل المعهد .كنت فرحان خلاص اهااااااا ربنا يجازى الكان السبب .

وهنا كانت المفاجأه  دخلت المعهد لقيت شفع كميه قاعد قولتا ديل شنو انا لم جيت ما كان فى شفع .ديل الجابهم شنو دخلت للسكرتير قال لى انت انتظر حبا لحدى ما مواعيدك تجى عشان تدخل قعده وبعاين فى الشفع ومغيوظ منهم ومن حركاتهم ، بس جات مواعيدى وقالو لى ادخل لما جيت ادخل لقيتهم نفس الشفع الكانو برا دخلو معاى ، انا طوالى قولتا ليهو هوووووووووووى يا انت ديل الحدرس معاهم قال لى (اى ) ويل مالم قولتا ليهو لالا مافى حاجه خلاص شكرآ دخلت قعده الاستاز شغال ليهو انت اسمك منو بالانجلزى وعمرك كم .حركات سنه اوله ابتداى ،قمت وقفته وقولتا ليهو يا تيتشر دا المقرر الحدرسنا ليهو قال اى .قولتا ليهو (لا يعنى انت جادى فى كلامك دا ) قال لى اى ومالك مستغرب انت دا مش متسواك ،ههههههههههههههه انا طبعآ موت من الضحك قولتا ليهو( اسكيوز مى) يعنى عن اذنك .

طلعت برا لقيت السكرير ( هوووووووووى يا عم الشيخ ادينى قروشى ) يعنى بالغه محترمه كدا لو سمحته ادينى قورشى انا ما داير ادرس معاكم ،عاين لى كدا قال لى انت ما قريت الايصال العندك قولتا ليهو ايصال شنو يا عم الشيخ الاقراهو كمان ، قال لى كدى طلعو، طلعتو ،قال لى اقرا مكتوب شنو تحت ..

 قريت المكتوب مكتوب (لاتسترد القروش المدفوعه ) وااااااااااااااااااااااااااااااااااااااااااى انا ، قولتا ليهو يا شيخنا ياخى ما تخليك زول واعى كيف يعنى ايصال بتاع دفع يكون مكتوب فيهو(ما برجع ليك قروشك تانى )، وثم ثانيآ انت وقت قدر الكلام دا ما تكتبوها كبيره كاتبينها صغيره كدا ،طبعآ منظرى بقا شحات شحات ههههههههههههههههههههه وانا موتا من الضحك (شر البيله ما يضحك ) احترمت نفسى ومشيت . 

عليكم الله انا ما غبى .